Kryetari i PSD-së, Dardan Molliqaj, ka thënë se kryeministri i Republikës së Kosovës, Albin Kurti është duke i zbatuar marrëveshjet e vjetra që janë vendosur më herët nga Hashim Thaçi.
“Marrëveshjet janë të vjetra. Albin Kurti po fole për marrëveshje të vjetra dhe po i zbaton marrëveshjet e vjetra. Nëse ti thua që marrëveshja për energjinë është marrëveshje e re, atëherë nuk kam çka flas me ty”, ka thënë Molliqaj në Politiko.
Më tej, ai ka thënë se tendenca për t’i paraqitur si marrëveshje të reja, marrëveshjet e vjetra, i bie se ka diçka që po fshihet, shkruan Gazeta10.
Tutje ai ka thënë se është pro një marrëveshje politike me serbët e Kosovës e Serbinë, por jo në mënyrën se si është duke e bërë Kurti.
