Ilir Ibrahimi, analist politik, thotë se Asociacioni i Komunave me shumicë serbe nuk duhet të kalojë tani kur me vendin qeverisë Vetëvendosje e cila i fitoi zgjedhjet me kauzën politike “Zajednica nuk kalon”, shkruan Inlajmi.
Ibrahimi, shprehet se nëse Kurtit i kërkohet pranimi i Zajednicës është njësoj sikur ti kërkosh ndërrimin e emrit të subjektit që drejton.
Sipas tij, ajo që e definon Vetëvendosjen është “Zajdnica nuk kalon”, prandaj nëse kalon atëherë duhet menduar tjetër emër për subjektin.
Edhe vetë analisti Ibrahimi, shprehet kundër Asociacionit, që sipas tij është kanceri i Kosovës.
Postimi i plotë i tij:
Ti kërkosh Albin Kurtit sot ta pranojë “Zajednicën” është sikur ti kërkosh atij të ja ndërrojë emrin Vetvendosjes.
“Zajednica nuk kalon” është sllogani mbi të cilin ky subjekt e ka ndërtuar një kauzë politike e cila kontribuoj në arritjen e rezultatit të pashembullt zgjedhor.
Prandaj “Zajednica nuk kalon” është ajo që e definon këtë subjekt.
E nëse kalon, atëherë ndoshta duhet filluar të mendohet për një emër të ri të subjektit politik.
P.S. personalisht mendoj se Associacioni është një kancer në funksionimin e shtetit të Kosovës. /InLajmi/
