Presidenti i Serbisë, Aleksandar Vuçiq, edhe pse nuk është optimist, megjithatë shpreson që brenda 10 ditëve të ardhshme do të arrihet një marrëveshje e pranueshme mes Kosovës dhe Serbisë për masën e reciprocitetit për targat dhe letërnjoftimet, transmeton InLajmi.
Vuçiq e quan absurde kërkesën e Kosovës që edhe qytetarët serbë që jetojnë në veri të pajisen me fletlëshime.
“Shqiptarët thonë se duam t’ju japim një dokument si ky i yni të lëshuar nga Serbia. Ne themi pa problem. Kur Aleksandar Vuçiq të hyjë në Republikën e Kosovës, jepini ato letra, por nuk mund t’u lëshoni letra të tilla njerëzve që jetojnë në veri të Republikës së Kosovës. Por atyre nuk u interesoni as ju e as unë, atyre iu intereson që ta shkatërrojnë jetën e qytetarëve që jetojnë në veri që ta zbatojnë atë për mua dhe për ju, u interesuan vetëm për të shkatërruar jetën e qytetarëve serbë që jetojnë në veri. Ata refuzuan propozimet tona, sepse qëllimi i tyre është tortura e popullit tonë në Kosovë dhe dëbimi i tyre”, tha Vuçiq.
Ndryshe, Kosova me një shtator do të fillojë zbatimin e reciprocitetit për target dhe letërnjoftimet, pasi zbatimi i këtij vendimi i filluar me 31 korrik ishte shtyrë me ndërmjetësimin e bashkësisë ndërkombëtare, raporton Danas.rs.
Kujtojmë se për arritjen një marrëveshje për reciprocitetin u diskutua edhe të enjten me 18 gusht në Bruksel ndërmjet Kryeministrit të Kosovës Albin Kurti dhe Presidentit të Serbisë Aleksandër Vuçiq, me ndërjmetësuesit e Bashkimit Evropian, por nuk pati asnjë përparim në pikën e reciprocitetit. /InLajmi/
