Presidenti i Serbisë, Aleksandër Vuçiq të dielën ka takuar përfaqësuesit e serbëve në Kosovë, prej ku edhe ka akuzuar institucionet e Kosovës për dhunë ndaj serbëve, transmeton Inlajmi.
“Nuk kemi ku të shkojmë, jemi mbështetur për muri. Sido që të jetë, mesazhi ynë për popullin serb në Kosovë është se nuk do të ketë kolona refugjatësh, do ta shpëtojmë popullin tonë nga dhuna dhe persekutimet, tha presidenti i Serbisë, Aleksandar Vuçiq, dielën takimit me përfaqësuesit e serbëve nga Kosova”, tha Vuçiq.
Duke folur për negociatat në Bruksel, Vuçiq tha se Kosova ka 2 synime, një është shfuqizimi i shtetit serb në Kosovë dhe tjetri dëbimi i serbëve.
“Sido që të jetë, mesazhi ynë për popullin e Kosovës është se nuk do të ketë kolona refugjatësh, ne do ta mbrojmë popullin tonë nga dhuna dhe persekutimet”, tha Vuçiq, duke theksuar se Kosova nuk pranoi asnjë propozim për targat.
“Beogradi propozoi targa KS që janë status neutral, por Kurti tha se të gjithë duhet të kenë “targa RKS”, tha presidenti Vuçiq.
Vuçiq, tha pala se Kosovës ka kërkuar që në dialog të diskutohet për marrëveshjen e përgjithshme gjashtëpikëshe, ndër të cilat ishte edhe rishikimi i marrëveshjeve të mëparshme.
Vuçiq, ka listuar kërkesat që Kryeministri Kurti i ka shfaqur në takimin e së enjtes në Bruksel, takim ky i cili nuk solli rezultate.
“E para janë Parimet e Përgjithshme të Marrëdhënieve 2 palëshe (njohja reciproke, prova), në 2 zgjidhja e problemeve nga e kaluara (jorezidentë, konstatimi dhe zgjidhja e problemeve të personave të dhunuar, të shpërngulurve, shkatërrimi i pronës private dhe publike që Serbia vodhi nga Kosova dhe reparacionet e luftës që Serbia duhet t’i paguajë), e 3-ta është bashkëpunimi në të ardhmen, e katërta është e njëjta marrëdhënie që kanë shqiptarët në Preshevë dhe Bujanoc dhe populli i Kosovës, nën të pestën është rishqyrtimi i marrëdhënieve me serbët, e gjashta është ajo që kërkojnë nga Serbia”, deklaroi tutje Vuçiq.
Vuçiq, përsëri “ngatërrohet” me vendimin e Kosovës për reciprocitet me target dhe dokumentet, ndërsa thekson se me veprimin e 31 korrikut Kosova veproi njëanshëm ndërsa qëllimi është dëbimi i serbëve nga atje, raporton Danas.rs.
Ai ka bërë të ditur se në Bruksel ka kërkuar formimin e Asociacionit të Komunave Serbe, dhe nga Sekretari i NATO-s, Jens Stoltenbreg ka kërkuar siguri për serbët në Kosovë. /Inlajmi/
