Kryetari i Komunës së Shtërpcës, Dalibor Jevtiq, tha të dielën se targat dhe dokumentet e Kosovës janë vetëm një arsyetim për institucionet e Prishtinës që të dëbojnë serbët dhe të shmangin formimin e Asociacionit të Komunave Serbe, transmeton Inlajmi.
“Nuk është thelbi i targave dhe dokumenteve, por se për një kohë të gjatë ka qenë nevoja që serbët të vihen në një pozitë sa më të vështirë, për të lënë Kosovën, sepse serbët në jug të Ibrit, kanë regjistruar automjetet e tyre dhe kanë dokumente të Kosovës. Kur unë pyes se pse ka bastisje të shpeshta nga njësia speciale ndaj serbëve në jug të Ibrit, posaçërisht në Shtërpcë, edhe pse ata kanë regjistruar veturat dhe kanë dokumente të Kosovës, nuk marrë asnjë përgjigje “, tha Jevtiq për Televizionin Prva.
Ndryshe të dielën në mesditë Presidenti i Serbisë Aleksandër Vuçiq, ka filluar takimin me përfaqësues të serbëve në Kosovë, ndërsa pas përfundimit të takimit është paralajmëruar se do të deklarohet për qytetarët serb në prani të mediave. /InLajmi/
