Ministrja e Arsimit, Shkencës, Teknologjisë dhe Inovacionit, Arbërie Nagavci, ka thënë se nuk ka ndonjë Udhëzim Administrativ sa i përket bartjes së shamisë në shkolla, dhe se nuk ka pasur asnjëherë, raporton InLajmi.
Nagavci tha se e gjithë kjo fushatë që është ngritur kohëve të fundit për bartjen e shamisë në shkolla, është përcaktuar nga shteti jonë dhe institucionet publike, kjo sipas saj ka të bëjë me mbarëvajtjen e punës në shkollat e mesme të larta.
“Sa i përket Udhëzimit Administrativ, është fol shumë kohëve të fundit. Dua të bëjë të qartë se nuk ka ndonjë Udhëzim Administrativ për shaminë, nuk ka pas asnjëherë me sa unë e di. E gjithë kjo fushatë që është ngritur kohëve të fundit, nuk është të themi e bazuar dhe e qëndrueshme. Është e përcaktuar qartë karakteri i shtetit tonë dhe i institucioneve publike. Udhëzimi Administrativ të cilit i kanë referuar ka të bëjë me mbarëvajtjen e punës në shkollat e mesme të larta”, tha Nagavci. /InLajmi/
