Prokuroria Themelore e Ferizajit, ka bërë të ditur se edhe premten do të vazhdojnë aksionin në Brezovicë, për identifikimin dhe regjistrimin e vikend-shtëpizave, përcjell InLajmi.
Qëllimi i këtij operacioni sipas Prokurorisë, është identifikimi i objekteve në zonat e mbrojtura në Parkun Kombëtar të Brezovicës, nëse ndërtimet atje janë në pajtim me ligjin.
Sipas Prokurorisë edhe ky aksion është vazhdimësi e operacioneve të mëhershme në zonën e Brezovicës.
Njoftimi i plotë nga Prokuroria Themelore e Ferizajit:
Ferizaj, 19 Gusht 2022, Prokuroria Themelore në Ferizaj, njofton opinionin publik se në koordinim dhe bashkëpunim me Drejtorinë e Krimeve të Rënda (DKR) në Prishtinë, Inspektoratin e Ministrisë së Mjedisit, Departamentin e Mbrojtjes së Mjedisit, Inspektoratin e komunës, Drejtorinë e Parkut Kombëtar “Sharri” dhe Agjensinë Kadastrale të Kosovës, edhe sot, janë duke vazhduar operacionin për identifikimin dhe regjistrimin e vikend-shtëpizave në zonën e Brezovicës.
Qëllimi i këtij operacioni është identifikimi i ndërtimit të gjitha objekteve në zonat e mbrojtura të parkut kombëtar se në cilat zona janë ndërtuar ato, a posedojnë leje ndërtimore dhe të njëjtat a janë në pajtim me ligjin.
Edhe ky aksion i sotëm i Prokurorisë Themelore në Ferizaj, është vazhdimësi i aksioneve të mëhershme në zonën e Brezovicës. /InLajmi/
