Sekretari i Përgjithshëm i Kombeve të Bashkuara, Antonio Guterres të premten tha se energjia elektrike e prodhuar në termocentralin bërthamor Zaporizhzhia i përket Ukrainës, transmeton InLajmi.
“Natyrisht, energjia elektrike nga Zaporizhzhia është energji elektrike ukrainase dhe është e nevojshme veçanërisht gjatë dimrit për popullin ukrainas. Dhe ky parim duhet të respektohet plotësisht”, tha Guterres gjatë vizitës së tij në portin ukrainas të Odesës.
Guterres përsëriti gjithashtu thirrjet e tij për të krijuar një zonë të çmilitarizuar rreth uzinës bërthamore të Zaporizhzhia.
Komentet e tij vijnë pasi Energoatom, operatori shtetëror i energjisë bërthamore i Ukrainës, pohoi më herët të premten se forcat ruse në termocentral po planifikojnë të ndalojnë njësitë e punës të energjisë në të ardhmen e afërt dhe t’i shkëputin ato nga linjat e komunikimit që furnizojnë energjinë e Ukrainës, shkruan CNN.
Energoatom tha gjithashtu se rusët i kishin thënë menaxhmentit të uzinës të kufizojë pranimin e personelit në termocentral./InLajmi/
