Përfaqësuesi i Sindikatës së Arsimit, Rrahman Jashari, ka thënë se janë të detyruar të mbajnë grevë të përgjithshme nga 24 ose 25 gushti, për shkak se Qeveria Kurti e ka mbajtur pozicionin e gabuar, nuk ka dialoguar me përfaqësuesit e sindikatave, raporton InLajmi.
Jashari tha se në këtë grevë do të jenë të përfshira administrata dhe sektorë të tjerë që do të marrin pjesë gjatë kësaj greve.
“Qeveria Kurti mbajti pozicionin e gabuar, jemi të shtyrë të mbajmë grevë nga 24 ose 25 gushti. Në këtë grevë do të jenë të përfshirë dhe administrata dhe sektorët tjerë”, ka thënë Jasharaj
Gjithashtu ai theksoi se BSPK-ja, i ka dyert e hapura për një marrëveshje me qeverinë, ndërsa kërkesa jonë fillestare është mbështetja me nga 100 euro për të gjithë punëtorët.
“Dyert i kemi të hapura për arritjen e një marrëveshje. Të fillohet me 100 euro mbështetje, pasi ka ngritje të tmerrshme të çmimeve”. /InLajmi/
