Djali i ish-kreut të OVL-së, Hysni Gucatit, Musli Gucati ka dhënë detaje nga vizita në qendrën e paraburgimit në Hagë ku ky i fundit po gjykohet për frikësim të dëshmitarëve të Gjykatës Speciale dhe një sërë akuzash të tjera, përcjell InLajmi.
Musli Gucati këtë vizitë e ka bërë bashkë me vëllezërit e ish-presidentit Hashim Thaçi.
Sipas djalit të Hysni Gucatit ish-krerët e UÇK-së që janë duke u akuzuar nga Gjykata Speciale për krime lufte, në qendrën e paraburgimit kanë luajtur tenis.
Musli Gucati theksoi se ishte një ndjenjë shumë e mirë të shihte se si luanin së bashku Nasim Haradinaj, Sali Mustafa, Rexhep Selimi dhe Pjetër Shala.
Postimi i plotë i tij:
2 ditë vizitë në qendren e parburgimit në Hagë, ditën e djeshme Korabi priti 26 vjetorin e lindjes në një ambient me ndryshe së herave tjera bashkë me Hysin dhe bashkëluftëtarët e tjerë që po bahen padrejtësisht.
Sot bashkë më vëllezërit e presidentit Hashim Thaqit takum Hysin, Hashimin, Kadriun, Bacen Jakup dhe Pjetrin.
Në një moment gjatë vizitës arrita të shoh sa mirë kalonin mes tyre çlirimtarët, ishte ndjenjë e mirë të i shoh çlirimtarët bashkë duke luajtur tenis, Nasimi dhe Cali luanin bashkë kundër Rexhes dhe Pjetrit./InLajmi/
