Deputeti rumun në Parlamentin Evropian, Vlad Gheorghe ka thënë se Kryeministri i Kosovës, Albin Kurti dhe Presidenti i Serbisë, Aleksandër Vuçiq duhet të arrijnë një marrëveshje të mirëfilltë në takimin që është duke u mbajtur në Bruksel, transmeton InLajmi.
Gheorge mendon se Evropa nuk mund të përballojë një tjetër konflikt në territorin e saj.
“Serbia dhe Kosova duhet të gjejnë një marrëveshje sot në Bruksel. Ne nuk mund të përballojmë një tjetër konflikt në kontinentin tonë! I bëj thirrje Aleksandar Vuçiqit të bashkëpunojë me Bashkimin Evropian dhe me NATO gjithashtu të ndërpresë lidhjet me kriminelin e luftës, Vladimir Putin. Le të jetë mirëqenia e qytetarëve tuaj prioriteti vetëm”, ka shkruar në Twitter.
Gjithashtu deputeti rumun i ka bërë thirrje Aleksandër Vuçiqit që të bashkëpunojë me BE-në dhe NATO-n dhe të lë anash lidhjet e tij me presidentin e Rusisë, Vladimir Putin i cili është duke e udhëhequr konfliktin e armatosur në Ukrainë.
Në fund Gheorghe ka theksuar se mirëqenia e qytetarëve të të 2-ja shteteve duhet të jetë prioritet për udhëheqësit të cilët janë takuar në Bruksel për normalizim të marrëdhënieve ndërshtetërore./InLajmi/
