Shërbimi Spitalor Klinik dhe Universitar i Kosovës këtë të mërkurën ka njoftuar se 38 pacientë me koronavirus po trajtohen në tërë klinikat e QKUK-së dhe spitalet e përgjithshme, përcjell InLajmi.
Ndërsa 9 pacientë me koronavirus janë me oksigjeno-terapi, dhe një pacientë janë në Mjekimin Intensiv
Sipas Shërbimit Spitalor Klinik dhe Universitar i Kosovës në spitalet e përgjithshme më së shumti pacientë me koronavirus ka në Pejë, ku bëhet me dije se janë 8 pacientë që po marrin trajtimin mjekësorë.
Njoftimi i plotë nga Shërbimi Spitalor Klinik dhe Universitar i Kosovës:
Klinika e Gjinekologjisë nuk ka paciente të infektuar me Covid-19, ndërkaq 38 pacientë janë duke u trajtuar me Covid-19, në kuadër të Shërbimit Spitalor Klinik dhe Universitar të Kosovës, sipas raporteve të datës 17 gusht 2022.
Raporti i datës 17 gusht 2022, sipas klinikave dhe spitaleve të përgjithshme:
Klinika Infektive, 9 pacientë + 1 në Mjekim Intensiv me oksigjeno-terapi
Klinika e Pediatrisë, 4 pacientë
Klinika e Neonatologjisë, 1 foshnje
Mjekim Intensiv Qendror, 2 raste të intubuara
Spitali i Gjakovës, 6 pacientë
Spitali i Prizrenit, 4 pacientë
Spitali i Pejës, 8 pacientë
Spitali i Gjilanit, 3 pacientë. /InLajmi/
