Analisti Gazmir Raci ka folur për takimin e nesërm në Bruksel në mes të kryeministrit të Kosovës, Albin Kurti dhe presidenti serb, Aleksandar Vuçiq.
Ai thotë se do të jetë një takim për shtensionim të situatës në terren.
“Ky takim do të jetë më shumë i karakterit të shtensionimit të situatës në terren dhe ndërtimin e një lloj mirëbesimi në mes të palëve të përfshira në këtë dialog”, thotë ai.
Sipas tij, Kosova duhet të insistojë që dialogu të përfundojë sa më shpejt që është e mundur, pasi çdo shtyrje e mban peng Ballkanin perëndimor me tensionet në veri.
Por, pala kosovare duhet të insistojë në afatizimin e dialogut dhe përfundimin e tij në kohë optimale sa më shpejt që të jetë e mundur. Çdo shtyrje e këtij procesi vetëm sa e mban peng gjithë Ballkanin Perëndimor përmes tensioneve të kohëpaskohshme qe shfaqej në pjesën veriore të Republikës, tha ai.
Ai për Gazetën Blic thotë se për përmbyllje të dialogut me njohje, Kosova duhet të ketë bashkërendim të hapave me ndërkombëtarët, sidomos Amerikën.
“Politika jonë duhet të vazhdojë bashkërendimin e hapave me komunitetin ndërkombëtar, sidomos me amerikanët, për ta përmbyllur këtë proces në fund me njohjen reciproke”, deklaron Gazmir Raci.
