Ministri i Punëve të Brendshme të Serbisë, Aleksandar Vulin, tha se presidenti Aleksandar Vuçiq do të shkoj në Bruksel për të negociuar për paqe në Ballkan, transmeton InLajmi.
Por nuk mendon njësoj për Kurtin.
“Aleksandar Vuçiq po shkon në Bruksel për të negociuar për të mbrojtur serbët në Kosovë, por edhe paqen në Ballkan, nuk besoj se Kurti ka të njëjtën dëshirë”, tha Aleksandar Vulin.
Ndryshe nga Vuçiqi, Vulin, ka thënë se Albin Kurti do të shkoj në Bruksel për ta justifikuar dhunën që po ushtron ndaj serbëve në Kosovë, shkruan Tanjug.
“Gjëja më e vështirë është të flasësh me dikë që nuk dëgjon. Kurti padyshim që po shkon në Bruksel për të mos arritur marrëveshje dhe vetëm për të gjetur një justifikim për dhunën që po ushtron ndaj serbëve në Kosovë, por edhe për mosbindje ndaj Rezolutës 1.244 dhe Marrëveshjes së Brukselit”, tha Vulin. /InLajmi/
