Shoqata Krimet e Luftës në Gjakovë, vendosi të mos heshtë më tepër, prandaj gjatë ditës së martë ka dorëzuar kallëzim penal në Prokurorinë Specialë kundër ish-komandantit të Brigadës 549 të Motorizuar, tani nënkryetar i Serbisë, Bozhidar Deliq, raporton InLajmi.
Në emër të kësaj shoqate ka folur udhëheqësja, Shkëndije Hoda, e cila tha se po presin që të marrin të paktën një përgjigje pozitive, pasi deri me tani janë të pakënaqur.
“Janë 3 kallëzime penale bashkëngjitur me disa dokumentacione faktike një lloj ditari të operimit të Brigadës 49 të Motorizuar nën komandën e Bozhidar Deliq, ne e dorëzuam edhe pse procedurat këtu kanë ndryshuar, pak kemi qenë të pakënaqur edhe pse prapë kemi marrë fjalë të mira”, ka thënë ajo.
Tutje ka folur Gjokë Sokoli, i cili është dëshmitar e familjar i viktimave të luftës, ka thënë së ka qindra dëshmi që në Kosovë ka pasur krime luftë, ndërsa përmendi masakrën e Mejës, Krushës dhe Gjakovës.
“Kemi sjellë disa materiale për kallëzim penal kundër nënkryetarit të Parlamentit të Serbisë, Bozhidar Deliq, i cili ka qenë gjeneral lufte dhe këto dokumente jo vetëm që policia ka bërë krime por edhe ushtria, që ky ka qenë gjeneral, kemi dëshmi që e kanë njohur që ka marrë pjesë në masakrën e Mejës, Krushës e Gjakovës. Me qindra ka dëshmi dhe besoj se do të dalë para organeve të drejtësisë. Duhet edhe institucionet me apeluar në tërë botën që këtë kriminel”, tha ai. /InLajmi/
