Kryetari i Aleancës për Ardhmërinë e Kosovës, Ramush Haradinaj, i quan retorikë artificiale deklarimet e Albin Kurtit edhe të Aleksandër Vuçiqit për një luftë të mundshme në Ballkan, ndërsa krejt kjo tha ai shkon në adresë të fuqizimit të paktit për mos sulmim i cili flitet se do të nënshkruhet mes 2 vendeve, raporton InLajmi.
“Ajo çka për mua është e dhimbshme është retorika artificiale e Kurtit dhe e Vuçiqit, për arritjen e një pakti gjoja per mossulmim.Të gjitha këto shqetësime që po i bëhen popullit se do të ketë luftë, krejt halli është që zoti Kurti ta mbulojë marren e një marrëveshje për mos sulmim. Nuk ka nevojë për një pakt të tillë”, tha Haradinaj.
Ai kujtoi se dakordimi për pakt mos sulmi është e pakuptimtë sepse për sigurinë e Kosovës e të rajonit është NATO-i që po e kryen detyrën me përgjegjësi edhe nën mbështetjen e SHBA-së.
Haradinaj ka komentuar edhe takimin e Kurtit me Sekretarin e NATO-s, Jens Stoltenberg, ndërsa shprehet se Kosova duhet të jetë mirënjohëse dhe e nderuar që NATO i jep hapësirë kohore Kosovës. /InLajmi/
