Presidenti rus Vladimir Putin i quajti përpjekjet për të anuluar kulturën ruse dhe vetë Rusinë “të kota” në një fjalim video në festivalin Tavrida në Krime, transmeton InLajmi.
“Është thjesht marrëzi. Dhe ata që mendojnë ndryshe, për fat të keq të tyre, nuk i kanë mësuar mësimet e historisë,” shtoi Putin.
Putin vuri në dukje se këtë vit ekipi i festivalit përfshin gjithashtu njerëz nga “territoret e çliruara” nga Republikat Popullore të Donetskut dhe Luhanskut.
“Sot, ju jeni bashkë, gati për të bashkuar përpjekjet për të arritur qëllime të përbashkëta dhe kjo do të thotë që ju e dini se për të qenë të fortë, duhet të jeni së bashku. E gjithë historia e pasur, mijëravjeçare e Rusisë ua mëson këtë,” tha ai.
Ndryshe, Rusia aneksoi Krimenë nga Ukraina në 2014 dhe e konsideron Krimenë pjesë të territorit të saj. Kyiv dhe aleatët e tij nuk e njohin aneksimin dhe e konsiderojnë gadishullin territor ukrainas nën pushtimin rus, shkruan CNN.
Donbasi mbulon pjesën më të madhe të Ukrainës lindore dhe ka qenë vija e parë e konfliktit të vendit me Moskën që nga viti 2014. Qyteti i Donetsk dhe Republikat Popullore të Luhanskut janë territore aktualisht nën kontrollin rus. /InLajmi/
