Ditën e dielë qytetarët kosovar janë paralajmëruar se do të ketë reduktime të energjisë elektrike, ky paralajmërim është kthyer në temë diskutimi shumë qytetarë janë shprehur të shqetësuar për çështjen e energjisë në vend, përcjell InLajmi.
Në lidhje më këtë ka reaguar edhe Ministria e Ekonomisë, ku sipas këtij institucioni qytetarët e Kosovës nuk e kanë për obligim të paguajnë këtë çmim të ngirutr të energjisë që ka ardhur si pasoj e vjedhjes së energjisë.
Nder të tjera nga ministria kanë bërë të ditur së institucionet përgjegjëse pë merren më rastin në mënyrë që situata të kthehet në normalitet.
Sipas ministrisë përgjegjësia bie mbi Qeverinë e Kosovës pasi do të jetë ajo që do marrë masa në këtë drejtim, krejt kjo për të ndihmuar qytetarët.
Njoftimi i plotë i Ministrisë së Ekonomisë:
Ditën e sotme qytetarët janë njoftuar për ndërprerje të energjisë elektrike në orare të caktuara nga KEDS/KESCO.
Për situatën e krijuar duam të ju njoftojmë si në vijim:
Prodhimi ditor i Korporatës Elektroenergjitike të Kosovës (KEK) është rreth 507 MWh.
Kërkesa për konsum është deri në 750 MWh.
Çmimi në bursën Hungareze (HUPX) është rreth 430 euro për MWh.
Humbjet komerciale (të shkaktuara nga vjedhjet) dhe teknike të Kompanisë KEDS janë 19%. Këto humbje ende mbulohen nga të gjithë, pra prodhimi ose importi, jo nga vet KEDS-i.
Institucionet përgjegjëse që monitorojnë punën e akterëve të furnizimit me energji, janë duke marrë të gjitha hapat që furnizimi me energji elektrike t’i kthehet normalitetit.
Kriza energjetike ka kapluar Evropën, siç kemi paralajmëruar me rastin e shpalljes së gjendjes emergjente në furnizimin me energji elektrike. Është me rëndësi që secila e secili prej nesh të kemi kujdes dhe të kursejmë shpenzimin e energjisë elektrike gjatë gjithë ditës. Kursimi i vogël individual do ta lehtësonte tejet shumë furnizimin me energji elektrike, si dhe to të lehtësonte vështirësitë të mëdha që po kalon dhe do të kalojë vendi.
Ne jemi duke bërë gati masat jo vetëm për furnizim të rregullt, por veçanërisht për të ndërprerë përdorimin e paautorizuar të energjisë elektrike, pra humbjet nga vjedhjet. Këto humbje vazhdojnë të jenë shumë të larta e për të cilat kompania dhe institucionet përgjegjëse nuk kanë arritur rezultate.
Askush, e aq më pak qytetarët dhe buxheti i vendit, nuk duhet të paguajnë çmimin e lartë të importit për ata që tolerohen të vjedhin energji. Prandaj, në këto kushte Qeveria, me mjetet dhe kompetencat e saj, do të ndërhyjë për ta minimizuar deri në ndalje të plotë këtë dukuri, pa asnjë kompromis.
Tutje, Qeveria do të marrë masa për çështjen e ngrohjes gjatë muajve në vijim për të ndihmuar qytetarët. Prandaj, të gjithë qytetarët dhe sipërmarrësit, të cilët janë duke planifikuar të bëjnë investime në sistemet e tyre të ngrohjes, ftohen e rikujtohen që t’i ndërrojnë ato nga energjia elektrike në forma të tjera të burimit të energjisë.
Po ashtu ju njoftojmë dhe me të dhënat nga Korporata Elektroenergjitike e Kosovës si më poshtë:
Kosova A – A3 dhe A4 janë në prodhim;
Kosova B – B1 është përfunduar remonti dhe është në prodhim; B2 remonti ka filluar dhe do të përfundojë më 26 gusht 2022. /InLajmi/
