Në orët e pasdites gjendja në pikat e kalimeve kufitare në Kosovë vazhdon të jetë e ngarkuar.
Sipas të dhënave të Ministrisë së Punëve të Brendshme të orës 17:56, pritjet më të gjata vazhdojnë të jenë në dalje të Merdares.
Në hyrje të kësaj pike të kalimit kufitar duhet pritur 10-15 minuta, ndërsa kolona është 10-20 metra e gjatë. Kolona në dalje është 2 kilometra dhe pritjet e udhëtarëve janë deri në 4 orë e njëzet minuta.
Në pikën tjetër të kalimit kufitar Dheu i Bardhë pritjet në hyrje janë 15-20 minuta dhe kolona është 50 metra e gjatë. Në dalje kolona është 400 metra e gjatë dhe pritjet janë 40-50 minuta.
Në Jarinje për të hyrë udhëtarët duhet të presin 5-10 minuta, ndërsa në dalje duhet pritur 20-30 minuta dhe kolona është 60 metra e gjatë, shkruan Lajmi.net.
Ndërsa në Muçibabë pritjet për hyrje janë 10-15 minuta dhe kolona është e gjatë 50 metra, ndërsa në dalje kolona është një kilometër e gjatë dhe pritjet janë 2 orë.
