Zëvendëspresidenti i Paraguajit, Hugo Velazquez, dhe ndihmësi i tij Juan Carlos Duarte janë shpallur “non grata” nga Shtetet e Bashkuara të Amerikës, me arsyetimin “korrupsion i thellë”.
Sekretari amerikan i Shtetit, Anthony Blinken, Velazquez njoftoi se do të jepte dorëheqjen dhe do të tërhiqej nga gara për presidencën.
Velazquez e mohoi akuzën, por tha se, për të “mbrojtur” partinë e tij, ai do të paraqiste dorëheqjen:
“Flas me ndërgjegje të pastër, nuk e kam bërë atë për të cilën më akuzojnë”.
Në një deklaratë të Sekretarit të Shtetit, Antony Blinken thuhet se bashkëpunëtori i zotit Velazquez, Juan Carlos Duarte i kishte ofruar ryshfet një zyrtari publik paraguaian për të “penguar një hetim që kërcënonte nënpresidentin dhe interesat e tij financiare”, përcjell A2CNN.
Ryshfeti i ofruar ishte mbi një milion dollarë, tha në një deklaratë ambasadori amerikan në Paraguaj Marc Ostfield. Juan Carlos Duarte tha se kishte dhënë dorëheqjen dhe do të bashkëpunonte me autoritetet, por nuk komentoi drejtpërdrejt mbi akuzat.
