13 gushti 2022 shënon 24 vjetorin nga kur i burgosuri politik, Adem Demaçi, u emërua përfaqësues politik i Ushtrisë Çlirimtare të Kosovës, përcjell InLajmi.
Në këtë ditë Demaçi është kujtuar nga Ministri i Mbrojtjes në Kosovës, Armend Mehaj, i cili ka thënë së ishte Demaçi ai që u mundua më gjithë qenien e tij që shteti i Kosovës të jetë i lirë dhe të gëzoi të gjitha cilësit e një shteti demokratik.
Mehaj ka thënë së Demaçi është prijësi që shoqëria shqiptare të jetë e denjë, guximshme, panënshtuar mbi të gjitha e lirë.
Tutje Mehaj ka theksuar së Demaçi UÇK-ja, Kosova, liria dhe Shqipëria, do të mbeten përjetësisht të pandarë e shtetit të Kosovës.
Postimi i plotë i tij:
Sot janë bërë 24 vjet, prej kur Adem Demaçi, mori detyrën e përfaqësuesit politik të Ushtrisë Çlirimtare të Kosovës.
Përpjekjet e tij jetësore për liri, drejtësi e barazi, për të cilat vuajti tri dekada në burgjet e regjimit të pushtuesit, tani do të realizoheshin përmes luftës së armatosur çlirimtare.
Ai shte prijësi ynë më i denjë, më i drejti, idealisti i pakompromis, më i guximshmi e më largpamësi ndër ne, i panënshtrueshëm, lirinë e deshi më shumë se çdo gjë tjetër:” Kam ecur lirshëm, sepse kam dashur të jem i lirë, unë nuk mund ta pranoja që të jetoja si një mi në një vrimë, për sa kohë që unë jetoj dua të jetoj si një luan. Kur më duhet të vdes, do të vdes”, ky ishte baca Adem.
Në rrugën tonë drejt të ardhmes, në ndërtimin e Republikës, në forcimin e ushtrisë sonë, nuk kemi se si të ecim nëse bacën Adem nuk e kemi me vete.
Sllogani “Rroftë Shqipëria, nëna jonë” i shkruar në secilin qytet të Kosovës më 12 prill 1964, është destinacioni që synonte baca Adem. Ai, UÇK-ja, Kosova, liria dhe Shqipëria, do të mbeten përjetësisht të pandarë nga njëri-tjetri. /InLajmi/
