Kryetari i Partisë Demokratike të Kosovës Memli Krasniqi ka përshëndetur vendimin që mori Qeveria shqiptare sa i përket raportit të Dick Martit ku akuzohet UÇK-ja se gjatë luftës ka kryer transplante të organeve e që shteti shqiptar hedhë poshtë çdo lloj akuze si të pabazë dhe të pavërtetë, përcjell InLajmi.
Krasniqi tha se ndihet shumë i lumtur dhe shumë mirënjohëës që Edi Rama mori këtë vendim pasi që ish-liderët e partisë që ai drejton ndodhen në Hagë ku akuzat janë të bazuara edhe në raportin e Dick Martit
I pari i PDK-së tha se adresimi i Shqipërisë në asamblenë e KE-së i hapi rrugë së vërtetës së lavdishme të UÇK-së.
Ai ftoi edhe institucionet e Kosovës që t’i përgjigjen këtij rrugëtimi dhe të angazhohen në lobimin duke trokitur në çdo derë për të nxjerrë në pah të vërtetën mbi luftën e lavdishme të UÇK-së
Postimi i plotë i tij:
Jam jashtëzakonisht mirënjohës ndaj shtetit shqiptar, që tashmë edhe zyrtarisht është vënë në mbrojtje të së vërtetës së luftës së pastër të Ushtrisë Çlirimtare të Kosovës, për ta çliruar këtë të vërtetë nga pretendimet e fabrikuara e të pabaza kundër lirisë dhe pavarësisë sonë.
Adresimi i Shqipërisë në Asamblenë Parlamentare të Këshillit të Evropës, me kërkesë për të rishikuar rezolutën e KE-së që merr për bazë raportin e Dick Martyt, është hapi i parë në rrugën tonë të përbashkët drejt konfirmimit të së vërtetës, të drejtës e drejtësisë.
Ftoj institucionet e Kosovës që t’i përgjigjen këtij rrugëtimi dhe të angazhohen në lobimin e miqve tanë ndërkombëtarë, veçanërisht në Këshillin e Evropës, duke trokitur në çdo derë ku është e nevojshme, sepse e vërteta i duhet në radhë të parë shtetit të Kosovës, për ta hequr përgjithmonë perden e imazhit të rëndë që ka hedhur mbi UÇK-në, raporti fantom i Dick Martyt.
Ushtria Çlirimtare e Kosovës ka pasur kauzë të qartë dhe mision të shenjtë: lirinë e popullit të Kosovës. Asgjë nuk e zhbën e s’do të mund ta zhbëjë të vërtetën e kësaj kauze dhe këtij misioni. Mirënjohës dhe tejet falënderues ndaj Kryeministrit Rama për angazhimin e tij konkret në këtë rrugëtim për të vërtetën dhe të drejtën tonë. /InLajmi/
