Shumë shtetas të Californisë kanë frikë nga “Big One”, por mund të mos jetë ajo që mendoni. Nuk është një tërmet. Dhe nuk është thatësira e madhe. Në fakt është e kundërta. Një megapërmbytje, transmeton InLajmi.
Një studim i ri nga Science Advances tregon se ndryshimi i klimës tashmë ka dyfishuar shanset që një përmbytje katastrofike të ndodhë në Californi në 4 dekadat e ardhshme.
Daniel Swain, një shkencëtar klimatik në UCLA dhe një studiues i përfshirë në studim, përshkruan një megaapërmbytje si, “një ngjarje shumë e rëndë në një rajon të gjerë që ka potencialin të sjellë ndikime katastrofike në shoqëri në zonat e prekura”, shkruan CNN.
Këto përmbytje masive, për të cilat ekspertët thonë se do t’i kthenin ultësirat e Californisë në një “det të madh të brendshëm”, mund të kenë ndodhur më parë një herë në jetë në shtet. Por ekspertët thonë se ndryshimi i klimës po rrit gjasat e këtyre fatkeqësive katastrofike, duke bërë që ato të ndodhin më shumë çdo 25 deri në 50 vjet. /InLajmi/
