Një superjaht me vlerë 24 milion euro (20 milion paund), në pronësi të një shefi kompanie me vlerë 400 milion paund është përfshirë nga flakët në brigjet e një ishulli spanjoll.
Anija 45 metra e gjatë u përfshi nga zjarri në Cala Saona, në perëndim të ishullit mesdhetar të Formentera, vetëm një muaj pasi iu dorëzua pronarit të saj.
Rojet bregdetare spanjolle dërguan 2 varka shpëtimi në zonë pasi 9 pasagjerët dhe 7 anëtarët e ekuipazhit në bordin e Aria SF braktisën anijen pas një telefonate në Mayday dhe një tentative të dështuar për të shuar zjarrin.
Tymi i zi që shkaktoi zjarri mund të shihej deri në ishullin fqinj të Ibizës.
Pronari i superjahtit, i cili u largua nga kantieri vetëm muajin e kaluar pasi u shit në vitin 2019, është identifikuar si Paolo Scudieri.
61 vjeçari është kryetar i prodhuesit të komponentëve të brendshëm të makinave Gruppo Addler, i cili u themelua nga babai i tij Achille në vitin 1956, dhe vlera e tij neto thuhet të jetë rreth 410 milionë paund.
Babai i 4 fëmijëve Scudieri, i cili jeton në Napoli, është ambasadori i Monakos për Turizmin dhe themeluesi i një grupi që zotëron 19 restorante në Itali.
Nuk ishte menjëherë e qartë në mëngjesin e së premtes nëse ai ishte në bord, megjithëse uebsajtet e specializuara të jahteve thonë se anija nuk është aktualisht e disponueshme për qira.
Superjahti që u përfshi nga flakët, kishte një pishinë, 5 dhoma gjumi dhe një palestër dhe do të bënte debutimin e tij zyrtar në Festivalin e Jahteve në Kanë më vonë këtë vit, shkruan abcnews.al.
Po vijojnë hetimet për të zbuluar shkaqet e zjarrit.
