Shpërthimet në një aeroport të operuar nga Rusia në Krime këtë javë kanë “degraduar ndjeshëm” flotën e saj detare të Detit të Zi, thotë Ministria e Mbrojtjes e Mbretërisë së Bashkuar (MM), transmeton InLajmi.
Baza e Saky në perëndim të Krimesë së sunduar nga Rusia u trondit nga një varg shpërthimesh të martën, duke vrarë një person.
Shpërthimet çuan në humbjen e 8 avionëve luftarakë rusë, tha Ministria e Mbrojtjes në përditësimin e saj të përditshëm të inteligjencës.
Ukraina nuk e ka marrë përgjegjësinë, por imazhet satelitore sugjerojnë mundësinë e një sulmi të synuar.
Shkaku i shpërthimeve është i paqartë, por të paktën 5 avionë luftarakë-bombardues dhe 3 avionë me shumë funksione janë “pothuajse me siguri të shkatërruar ose dëmtuar rëndë”, thuhet në deklaratë.
Humbja e 8 avionëve luftarakë do të bëjë vetëm një dëmtim të vogël në flotën e përgjithshme të avionëve të Moskës, por do të jetë një pengesë e rëndësishme për flotën e Marinës ruse në Detin e Zi, thuhet në deklaratën e ministrisë, shkruan BBC.
“Aftësia e aviacionit detar të flotës tani është degraduar ndjeshëm,” shton ministria. /InLajmi/
