Prokuroria Themelore në Ferizaj ka njoftuar se ka vazhduar operacioni policor për identifikimin e shtëpizave në zonën e Brezovicës, përcjell InLajmi.
Arsyeja pse Prokuroria Themelore e Ferizajit dhe Policia e Kosovës janë duke e vazhduar këtë operacion policor është dëmtimi i madh i pyllit Kombëtar, pas ndërtimit të disa vikend-shtëpizave.
Sipas Prokurorisë ky operacion ka policor ka për qëllim të largojë të gjitha shtëpizat të cilat nuk kanë leje ndërtimore në Brezovicë.
Njoftimi i plotë i Prokurorisë Themelore në Ferizaj:
Ferizaj, 11 Gusht 2022 – Prokuroria Themelore në Ferizaj, njofton opinionin publik se në koordinim dhe bashkëpunim me Drejtorinë e Krimeve të Rënda (DKR) në Prishtinë, Inspektoratin e Minsitrisë së Mjedisit, Departamentin e Mbrojtjes së Mjedisit, Inspektoratin e komunës, Drejtorinë e Parkut Kombëtar “Sharri” dhe Agjensinë Kadastrale të Kosovës, edhe sot, janë duke vazhduar operacionin për identifikimin dhe regjistrimin e vikend-shtëpizave në zonën e Brezovicës.
Në operacionin e sotëm të pranishëm janë edhe Inspektorati Qëndror i Pylltarisë për shkak të dëmtimit të madh të pyllit në Parkun Kombëtar “Sharri” në zonën e Brezovicës.
Qëllimi i këtij operacioni është identifikimi i ndërtimit të gjitha objekteve në zonat e mbrojtura të parkut kombëtar se në cilat zona janë ndërtuar ato, a posedojnë leje ndërtimore dhe të njëjtat a janë në pajtim me ligjin./InLajmi/
