Në Bruksel thonë se përgjegjësia për zbatimin e Udhërrëfyesit për energjinë i’u mbetet palëve, pra Kosovës dhe Serbisë.
Sipas tyre, BE vetëm lehtëson dialogun, por nuk luan rolin e arbitrit.
Në cilësinë e lehtësuesit por edhe garantuesit të Marrëveshjeve të dialogut, Bashkimi Evropian i ndjek nga afër aktivitete e të 2-ja palëve sa i përket zbatimit të udhërrëfyesit të energjisë, ka porositur Peter Stano, zëdhënës i BE-së.
“BE-ja po lehtëson dialogun ndërmjet palëve. Nuk është arbitër. Përgjegjësia përfundimtare për zbatimin e suksesshëm të Marrëveshjeve për Energjinë dhe Udhërrëfyesit i takon vet palëve”, ka nënvizuar zëdhënësi Peter Stano.
Gjithnjë sipas tij, KOST, KEDS si dhe Elektrosever janë në komunikim të rregullt dhe rregullisht raportojnë në Bashkimin Evropian por edhe Shtete e Bashkuara të Amerikës.
Vonesat në zbatimin e Udhërrëfyesit të energjisë, Peter Stano i cilëson si të natyrës teknike.
Ai konfirmoi se Bashkimi Evropian ka kërkuar nga palët që t’i adresojnë këto aspekte teknike pa vonesë, raporton RTK.
Njëkohësisht konfirmon se BE gjithashtu po ofron udhëzime se si të adresohen çështjet e hapura.
