I pari i Qeverisë së Kosovës, Albin Kurti në mbledhjen e së mërkurës ka demantuar lajmin se dokumentet e Serbisë nga një shtatori do të konfiskohen në kufi, raporton InLajmi.
“Kam dëgjuar për lajmin e rreme që dokumentet serbe do të konfiskohen në kufi, nuk është e vërtetë”, tha Albin Kurti.
Kryeministri i Kosovës ka thënë se shteti po kalon një epokë sfiduese dhe qeverisë sipas tij i duhet kujdes i shtuar.
“Po jetojmë në një epokë sfiduese dhe na duhet kujdes i shtuar. Dezinformimi paraqet rrezik mjaft të madh. Fushata jonë e informimit do të vazhdojë kur do të rifillojnë së zbatuari 2 vendimet tona. Barrikadat që vendosen në veri vijnë nga lartë”, shtoi ai.
Kurti tutje theksoi se në këtë kohë dezinformimi paraqet rreziqe të mëdha dhe sipas tij Qeveria e Kosovës do të vazhdojë fushatën informuese për reciprocitetin./InLajmi/
