Qeveria e Kosovës në mbledhjen e mbajtur në ditën e mërkurë ka emëruar bordet e 4 ndërmarrjeve publike në vend, raporton InLajmi.
Albin Kurti me kabinetin e tij, ka vendosur për emërimet në bordet e ndërmarrjeve publike, ndërsa me shumicë votash kryesuesi i bordit të ndërmarrjes “Trainkos” është emëruar Nol Dedaj.
Ndërkaq, anëtarë të bordit të drejtorëve të ndërmarrjes publike të hekurudhave janë emëruar: Astrit Mehaj, Drita Kadriu-Berisha, Blerina Shamolli, Rizah Spanca dhe Shaban Neziri.
Qeveria ka emëruar edhe Bordin e Kompanisë së Ujësjellësit Hidroregjioni Jugor, kryesues, Feim Fetoshi, dhe anëtarë Mirlinda Morina, Naim Ukaj dhe Arben Hajrizi.
Në këtë mbledhje u miratua vendimi për emërimin edhe të Bordit të kompanisë Ujitjes Radoniqi-Dukagjini. 12 kandidat i janë rekomanduar Qeverisë, përderisa për kryesues u propozua Ilir Dula.
Poashtu qeveria ka marrë vendim për emërimin e drejtorëve të kompanisë rajonale ujësjellësi “Bifurkacioni”. Për kryesues të Bordit u propozua Naim Rexhaj kryesues, Kujtesa Ahmeti për anëtare, edhe Kujtesa Ramadani për anëtare./InLajmi/
