Një banesë në fshatin Mbolan në ish-njësinë administrative Sinjë në Berat është përfshirë nga flakët.
Shkak për zjarrin e rënë në banesë është bërë “rrufeja”. Mësohet se zjarri ka rënë në mesin e shtëpisë ku jetonin bashkë 2 vëllezër dhe më pas është përhapur me shpejtësi në të gjithë banesën.
Pas njoftimit të marrë nga banorët e zonës, në vendngjarje kanë shkuar 3 mjete zjarrëfikëse, të cilët kanë bërë të mundur lokalizimin e flakëve të zjarrit dhe fikjen e tij, ndërkohë që familjarët kishin dalë më herët nga banesa, pikërisht në momentin kur edhe u shfaqën flakët e para të zjarrit.
Mësohet se zjarrfikësit kanë hyrë mes flakëve dhe kanë nxjerrë pa djegur nga një nga sirtaret edhe dhomës së gjumit paratë e familjes së Artan Ajazit, rreth 20 mijë Euro.
Në banesën që u shkrumbua totalisht nga flakët jetonin 2 vëllezër, shkruan Abc.News.al.
Artani jetonte me bashkëshorten dhe 2 fëmijët dhe të 4 dolën pa asnjë lëndim nga banesa, ndërkohë që Agimi me familjen e tij jetojnë prej disa muajsh jashtë shtetit.
