Policia e Kosovës ka njoftuar se 2 persona zyrtar janë sulmuar me datën 7 gusht, ditën e diel në Parkun e Gërmisë, përcjell InLajmi.
“Sulm ndaj personit zyrtar në Parkun e Gërmisë, Prishtinë 07.08.2022 – 22:00. Janë arrestuar 2 të dyshuar meshkuj kosovarë, pasi që fillimisht kanë sulmuar kamerierin dhe më pas 2 zyrtarët policorë, të cilët ishin në rroba civile. Me vendim të prokurorit, të dyshuarit janë dërguar në mbajtje”, njofton Policia e Kosovës.
Policia ka theksuar se gjatë këtij sulmi zyrtarët policor ishin me rroba civile.
Sipas prokurorisë të dyshuarit për kryerjen e këtij sulmi ndaj policëve janë dërguar në mbajtje.
Gjatë 3 muajve të fundit sipas njoftimeve zyrtare të Policisë së Kosovës kanë ndodhur sulme në vazhdimësi ndaj zyrtarëve policor./InLajmi/
