Një aksident i rëndë trafiku ka ndodhur në rajonin e Gjakovës.
Si pasojë e këtij aksidenti janë lënduar 3 persona.
Rasti është konfirmuar nga zëdhënësi i Policisë së Kosovës për rajonin e Gjakovës, Lumni Graishta.
Ai tha se aksidenti ka ndodhur në mes fshatit Rogovë dhe Celinë, ku të përfshirë janë 2 automjete.
Të lënduarit në këtë rast janë dërguar për tretman të mëtutjeshëm mjekësor shkruan Lajmi.net.
“Aksidenti ka ndodhur në mes të fshatrave Rogovë dhe Celinë. Të përfshira janë 2 automjete ndërsa si pasojë e aksidentit 3 persona janë lënduar rëndë të cilët për momentin janë duke marrë ndihmën mjekësore në spitalin rajonal kurse në vendngjarje janë njësitet e trafikut nga DRP Gjakovë”, tha ai
