3 nga 4 personat që u goditën nga rrufeja ditën e djeshme pranë Shtëpisë së Bardhë kanë vdekur. Një çift i moshuar nga Wisconsin është në mesin e 3 të vdekurve.
James Mueller, 76 vjeç dhe Donna Mueller, 75 vjeç, po vizitonin kryeqytetin amerikan për të festuar 56 vjetorin e martesës, tha mbesa e tyre. Të premten, vdiq edhe një 29-vjeçar i paidentifikuar, ndërsa person i 4 është plagosur rëndë.
Viktimat ishin në Lafayette Park kur u goditën. Afërsia e parkut me selinë e presidencës amerikane nënkupton se anëtarët e Shërbimit Sekret të SHBA ishin ndër njerëzit e parë që u kujdesën për viktimat.
Pas incidentit, një pjesë e parkut ka mbetur e mbyllur , ndërsa Shërbimi Kombëtar i Motit kishte lëshuar një paralajmërim për stuhi për këtë zonë të enjten, përcjell abcnews.
Rreth 40 milion goditje rrufeje godasin tokën në SHBA çdo vit, por gjasat që dikush të goditet janë më pak se një në një milion dhe pothuajse 90% e të gjitha viktimave të tilla mbijetojnë.
