Sulmet ndaj zyrtarëve të Policisë së Kosovës janë shpeshtuar dhe kjo mund të thuhet pa menduar 2 herë, pasi është e pamundur të shkoi një vikend e ata të kryejnë punën e vetë të qetë, përcjell InLajmi.
Njësia policore e Stacionit Policor për Mbikëqyrjen e Kufirit Zubin Potok, së fundmi gjatë kohës kur po kryen patrullim në Liqenin e Ujamnit janë sulmuar më armë zjarri.
Kjo është bërë e ditur nga vet policia, pasi në drejtim të tyre është shtenë 10 herë më armë zjarri ku si pasojë e kësaj është goditur shumë afer barkës më të cilën ata po kryenin patrullimin.
Njoftimi i plotë i Policisë së Kosovës:
Në veri sulmohet me armë njësia policore kufitare
Sot, më 06.08.2022 rreth orës 11:25, njësia policore e Stacionit Policor për Mbikëqyrjen e Kufirit (SPMK) Zubin Potok, derisa ka qenë duke vendosur një barkë patrulluese në Liqenin e Ujmanit është sulmuar me armë zjarri.
Njësia policore ka njoftuar se në drejtim të tyre ka pasur të shtëna me armë. Kanë qenë afërsisht 10 të shtëna me armë zjarri. Të shtënat kanë qenë të njëpasnjëshme, nga pjesa tjetër e liqenit dhe kanë goditur afër barkës së policisë. Nga këto të shtëna nuk ka persona të lënduar.
Në asistencë të njësisë policore ka shkuar Njësia e Ndërhyrjes së Shpejtë e Policisë Kufitare. Policia po vazhdon të vëzhgojë terrenin dhe ta trajtojë rastin.
Policia e Kosovës mbetet e përkushtuar në ofrimin e sigurisë dhe luftimin e kriminalitetit e me theks të veçantë të kontrabandës në atë zonë. /InLajmi/
