Deri më tani raportohet se 12 persona kanë humbur jetën në aksidentin tragjik i cili ka ndodhur në orët e para të mengjesit të së premtës në Kroaci, transmeton InLajmi.
Komandanti i zjarrfikësve tha se skena ishte “sikur shikoni filma horror”.
“Ishte e frikshme. Është si të shikosh filma horror. Ne morëm një telefonatë rreth orës 5:50 të mëngjesit. Ne nxorëm të vdekurit, ishin më shumë se 10 të tillë. Autobusi u përplas në kanal dhe e gjithë pjesa e përparme e autobusit u dëmtua rëndë”, deklaroi Ivan Ivançan, komandant i zjarrfikësve në Brezniçki Hum, ekuipazhi i të cilit përfshin 4 vetura të ndaljes së zjarreve.
Ai shton se autobusi dukej sikur ishte përplasur me një mur.
“Një shofer fluturoi përmes xhamit të përparmë dhe tjetri ishte në autobus. Unë nuk kam përjetuar diçka të tillë që kur kam qenë zjarrfikës dhe jam 60 vjeç”, tha Ivançan.
Sipas tij, në vendin e aksidentit ka pasur shumë ambulanca, zjarrfikës dhe policë.
“Pas aksidentit, më shumë anëtarë të ekipit tonë të DVD-së erdhën në vendngjarje. Ishte e tmerrshme. Ne bëmë gjithçka që mundëm për të nxjerrë viktimat”, deklaroi ai, raporton Jutarnjilist.
Ndryshe, të aksidentuarit ishin pelegrinë që po shkonin në Medjugorje ndërsa 18 prej tyre janë në gjendje më të rëndë.
