Në një lokal në rrugën Muharrem Fejza në Prishtinë sot rreth orës 08:00, është gjetur pa shenja jete një 46 vjeçar, përcjell InLajmi.
E cilësuar si vdekje e dyshimtë, Policia e Kosovës kanë nisur hetimet për vdekjen e personit, kështu e bëri të ditur për InLajmin zëdhënësja për rajonin e Prishtinës Flora Ahmeti.
“Rreth orës 08:00, kemi pranuar informatën për një person pa shenja jete në një lokal në rrugën Muharrem Fejza në Prishtinë. Policia dhe ekipi mjekësor menjëherë kanë dalë në vendin e ngjarjes, ku nga ekipi mjekësor është konstatuar vdekja e personit mashkull 46 vjeç. Aktualisht policia me kujdes të shtuar ka nisur hetimin e rastit si vdekje e dyshimtë dhe po ndërmerr të gjitha veprimet e duhura hetimore dhe ato forenzike të ekzaminimit, që do të ndihmonin hetimin e ngjarjes si dhe sqarimin dhe ndriçimin e plotë të rastit”. /InLajmi/
