Dita e djeshme doli të ishte e fundit për gruan e moshës 76-vjeçare e cila u gjet e vdekur në banesën e saj në lagjen Dardania në Prishtinë, përcjell InLajmi.
Sipas informatave të para viktima jetonte e vetme në banesë dhe se Prokuroria e Shtetit është duke e trajtuar mënyrën e vdekjes së saj, e këtë e ka konfirmuar për InLajmin zëdhënësi i Policisë, Bajram Krasniqi.
“Në ora 13:33, policia është njoftuar se në lagjen Dardania Prishtinë, në një banesë, mund të jetë një trup i pajetë. Njësitet policore janë angazhuar në atë lokacion. Në një banesë është hasur pa shenja jete një grua (viti i lindjes 1946), e cila jetonte e vetme. Në vend ngjarje pos policisë ka dalë edhe ekipi mjekësor emergjent. Rasti është duke u trajtuar në koordinim me prokurorinë”, ka thënë Krasniqi./InLajmi/