Përbërësit:
(Përbërësit e kësaj recete janë për katër persona)
4 kokrra vezë
4 lugë gjelle qumësht
Vaj ulliri
2-3 lugë gjelle gjizë
kripë
piper
rigon
Përgatitja:
Si fillim ndani të verdhat dhe të bardhat e vezëve veçmas.
Rrihni në një tas të bardhat e vezëve derisa masa të nisë të shtojë pak volumin e saj.
Shtoni aty të verdhat e vezëve, vijoni t’i rrihni, shtoni kripën dhe piperin dhe rrihini derisa të njëtrajtësohen.
Vendosni një tigan në zjarr, shtoni aty vaj ulliri dhe sapo të nxehet shtroni masën e vezës së rrahur.
Përhapeni njëtrajtësisht në të gjithë sipërfaqen e tiganit dhe rrotullojeni tiganin herës duke e mbajtur kapakun mbyllur, shkruan Gatime Shqiptare.
Shtoni gjizën mbi sipërfaqen e vezës dhe përmes një spatula kuzhine omletën kthejeni në dysh ose në formën e rolesë.
