Ministri i Punëve të Brendshme, Xhelal Sveçla, ka njoftuar se sot në Kosovë kanë arritur 146 qytetarë afganë, të cilët menjëherë janë akomoduar në vendet përkatëse, përcjell InLajmi.
Sveçla ka thënë se ardhja e afganëve në Kosovë është mundësuar falë bashkëpunimit të ngushtë me Shtetet e Bashkuara të Amerikës dhe NATO-së.
Postimi i plotë i tij:
Sot mirëpritëm në Republikën e Kosovës 146 qytetarë afganë dhe procedurat e pritjes së tyre tashmë kanë përfunduar dhe janë akomoduar sipas marrëveshjeve paraprake. Ky proces po zhvillohet jashtëzakonisht mirë falë bashkëpunimit të ngushtë me aleatët tanë, SHBA dhe NATO.
Në koordinim me të gjithë akterët e brendshëm institucional dhe shtetet aleate të Republikës sonë, jemi të angazhuar maksimalisht që të gjithë qytetarëve që po ballafaqohen padrejtësisht me konflikte e luftë, të ju mundësojmë strehim, mirëqenie e siguri për aq kohë sa janë në shtetin tonë. /InLajmi/
