Ndonëse ishte mbledhja e fundit, anëtarët e Komisionit për Mbikëqyrjen e AKI-së, kërkuan që shefi i AKI-së Petrit Ajeti të raportoj për situatën e tensionuar në veri pas vendit të qeverisë për reciprocitetin e targave dhe letërnjoftimeve, raporton InLajmi.
Ndonëse takimi është mbajtur me dyer të mbyllura, një deklaratë të shkurtër për media e bëri kryetarja Ganimete Musliu e cila konfirmoi se temë qendrore e takimit me shefin e AKI-së ishte gjendja në veri dhe situata e sigurisë në gjithë vendin.
“Duke pasur parasysh rrethanat në veri për reciprocitet ne si komision e kemi ftuar drejtorin dhe ai i ka përgjigjur ftesës pozitivisht dhe ka raportuar. Për momentin është se gjendja e sigurisë është stabile në veri dhe organet kompetente janë gjendje gatishmërie që siguria e Kosovës të mos cenohet në asnjë mënyrë. I falënderoj qytetarët serb për bashkëpunimin dhe i inkurajojë të vazhdojnë bashkëpunimin me shtetin e Kosovës dhe të mos bien pre e provokimeve nga Beogradi zyrtar”, ka thënë Musliu. /InLajmi/
