Këngëtari i famshëm kolumbian, J Balvin ka realizuar një video-mesazh para arritjes në Prishtinë për festivalin e madh, Sunny Hill.
Nga avioni, artisti me famë botërore, paralajmëroi pjesëmarrësit për një super-performancë.
“Hey Prishtina, unë jam J Balvin, do të shihemi shumë shpejt në Sunny Hill Festival. Do të kënaqemi shumë, ju s’jeni gati. Shihemi atje”, tha ai.
Sunny Hill Festival nis nesër dhe do të vazhdojë deri më 7 gusht.
Përveç J Balvin, në këtë festival që mbahet në Parkun e Gërmisë marrin pjesë edhe artistë të mëdhenj ndërkombëtar, por edhe vendor, njofton Klankosova.tv.
Dua Lipa, Diplo, Skepta, Azet, Zuna, Elvana Gjata, Kida, Yll Limani, Ledri Vula e Dhurata Dora, janë vetëm disa nga yjet që do të këndojnë para mijëra njerëzve.
