Sot në seancën e Kuvendit, po diskutohet për mos liberalizimin e vizave dhe ngecja e Kosovës në këtë proces janë ngritur shumë pikëpyetje, ndërsa mazhoranca ka bërë thirrje që në këtë angazhim të kahmotshëm të Kosovës të jenë së bashku pozitë e opozitë, raporton InLajmi.
Duke folur për procesin e liberalizimit Deputetja e Lëvizjes Vetëvendosje, Arbëreshë Kryeziu-Hyseni, ka thënë se asnjëherë Kosova nuk ka qenë më afër liberalizimit të vizave se që është sot.
“Po harrojmë ta përmendim, kurrë Kosova s’ka qenë më afër heqjes së vizave sesa që jemi sot. Kurrë s’është punuar më shumë, asnjëherë nuk janë shënuar rezultate pozitive, s’duam ta mashtrojmë popullin. S’kemi dhënë muaj e data, por po punojmë fuqishëm që ky proces një herë e mirë të marrë epilog. Të bashkohemi sepse do të përfitojmë njëjtë, si pozita si opozita. Rruga jonë drejt BE-së është një angazhim i kahershëm pa dallim. Në rrugën drejt BE-së duhet të jemi të bashkuar, le të provojmë ta ruajmë frymën e mirë dhe bashkëpunuese në këtë proces të rëndësishëm për vendin tonë”, tha ajo. /InLajmi/
