Ministrja e Drejtësisë në Kosovë, Albulena Haxhiu, është shprehur tejet e lumtur që Gjykata Komerciale filloi punën edhe pse nga shumë persona thuhej që e njejta nuk do arrijë të funksionalizohet, përcjell InLajmi.
Qeveria e Kosovës e kishte proceduar në korrikun e vitit të kaluar ligjin i cili themelonte këtë gjykatë, por që nga ana e opozitarëve mendohej si një ligj i cili nuk do hynte asnjëherë në funksion.
Haxhiu ka falenderuar të gjithë ata që kanë mbështetur këtë nismë pasi ishin ata që i dhanë krahë kësaj Gjykate, por nga ana e ministres Haxhiu nuk mungoi edhe një urim i shkurtër ku shpresoi që puna në këtë gjykatë do të kryhet me nderë dhe përkushtim.
Postimi i plotë i saj:
Në korrik të vitit të kaluar, Qeveria procedoi në Kuvend, ligjin që themelonte Gjykatën Komerciale.
Edhe përkundër zotimeve tona për funksionalizim të shpejtë të saj, në debate televizive gjithandej, thuhej se Gjykata Komerciale nuk mund të funksionalizohet para 5 viteve
Gjykata Komerciale filloi punën shumë pak muaj pas hyrjes në fuqi të Ligjit.
Falenderoj Kuvendin për mbështetjen si dhe Këshillin Gjyqësor për bashkëpunimin dhe angazhimin për funksionalizim të Gjykatës Komerciale, gjithashtu edhe programin e USAID për drejtësi komerciale.
Punë të mbarë gjyqtarëve dhe stafit mbështetës, uroj ta kryejnë punën me nderë dhe përkushtim dhe vetëm në përputhje me kompetencat dhe legjislacionin. /InLajmi/
