Raportuesja për Kosovën në Parlamentin Evropian, Viola von Cramon, i ka reaguar ish-të dërguarit special të SHBA-së për Kosovën, Richard Grenell.
Grenell, në një postim në Twitter, e ka quajtur Kurtin kryeministër fashist, i cili po vë masa të njëanshme në refuzimin e targave dhe letërnjoftimeve serbe.
“Edhe një herë, kryeministri fashist i Kosovës, radikal i ekstremit të majtë dhe me përvojë, Albin Kurti, në mënyrë të njëanshme bën një lëvizje për të refuzuar targat dhe ID-të serbe në Kosovë. Budallallëk. I pamatur. Dhe i panevojshëm” shkroi Grenell në Twitter.
Kjo deklaratë e tij nuk i ka pëlqyer aspak von Cramonit, e cila e ka këshilluar atë që të bëjë diçka për veriun e Kosovës, në vend se të emërojë von Cramon, shkruan Indeksonline.
“I dashur Ric, nuk është e njëanshme, është reciproke. Trajtim i barabartë për mbajtësit e ID. Herën tjetër në vend që të riemërtoni Gazivodën në Liqenin Trump, provoni ndoshta të zgjidhni disa çështje konkrete për qytetarët në Veriun e Kosovës” ka shkruar ajo.
https://twitter.com/richardgrenell/status/1553836384103776256
