Ministri i Puëve të Brendshme të Republikës së Kosovës Xhelal Sveçla ka njoftuar se pa u hequr barrikadat e vendosura në veri të Kosovës, nuk zbatohet zotimi për shtyrjen e masave reciproke me Serbinë nga e Qeveria e Kosovës, përcjell InLajmi.
Ministri Sveçla tha se tashmë ka filluar shpërndarja e dokumentit për hyrje-dalje në pikat kufitare përvec në 2 pikat kufitare në Jarinje e Bërnjak që janë të mbylklura momentalishtë dhe se ky vendim do të zbatohet deri sat ë largohen barrikadat nga strukturat paralele sebe në Veri të vendit.
Postimi i plotë i tij:
FILLON ZBATIMI I VENDIMIT TË QEVERISË SË REPUBLIKËS SË KOSOVËS PËR PAJISJE ME DOKUMENTIN PËR HYRJE-DALJE NË PIKAT KUFITARE
Tashmë ka filluar shpërndarja e dokumentit për hyrje-dalje në pikat kufitare të Republikës së Kosovës, me përjashtim në pikat Jarinje dhe Bërnjak të cilat vazhdojnë të jenë të mbyllura përshkak të barrikadave që janë vendosur nga strukturat ilegale serbe.
Të gjithë personat që posedojnë dokumente të lëshuara nga autoritetet e Serbisë, do të pajisen me dokumentin hyrje-dalje e cila ka afat vlefshmërie 90 ditë brenda territorit të Republikës së Kosovës.
Ky vendim do të vazhdojë të implementohet derisa të largohen të gjitha barrikadat dhe të sigurohet liria e lëvizjes së qytetarëve dhe mallrave. Në momentin e largimit të të gjitha barrikadave dhe pengesave, ky vendim do të pezullohet deri më 1 shtator 2022. /InLajmi/
