Kryetari i Listës Serbe, Goran Rakiq, duke folur për situatën e së dielës mbrëma në veri, i’u ka drejtuar kryeministrit të Kosovës Albin Kurti se serbët e duan Asociacionin e Komunave, transmeton InLajmi
“Edhe një natë pa gjumë për popullin serb, e tillë ka qenë ditët, muajt, vitet, por edhe dekadat e kaluara, tha ai në një konferencë për media”
Ai falënderoi të gjithë serbët që ishin pjesë e aksionit të barrikadave në veri të Mitrovicës, ndërsa u shpreh se ata me veprimin e tyre treguan se duan të qëndrojnë në vatrat e tyre.
“Falënderojmë komandantin e KFOR-it, e e njoftuam atë se nuk ka qenë veprim, por reagim i serbëve ndaj lëvizjeve të njëanshme të Prishtinës. Edhe mbrëmë kam dëgjuar thirrje të panumërta nga presidenti Vuçiq për paqe…Dua të falënderoj edhe popullin shqiptar (nga diaspora, redak.), aksioni nuk kishte për qëllim popullin shqiptar, por edhe ata e panë që dje ata nuk mund të shkonin në shtëpitë e tyre”, tha Rakiq.
Rakiq pati edhe një mesazh për Kurtin “të mos iu drejtohet serbëve në Kosovë serbisht, sepse mesazhi është i qartë, le të flasë në gjuhën e tij amtare”.
“Unë i them atij se serbët duan Asociacionin e Komunave Serbe” tha Rakiq.
Ai theksoi se zgjidhja e vetme është dialogu
