Një ditë para se të merret vendimi për targat si dhe dokumentat personale me Serbinë, grupe të caktuara të serbëve në Veriun e Mitrovicës kanë filluar që t’i bllokojnë rrugët ne këtë pjesë përcjell InLajmi.
I menjëherëshëm ka qenë reagimi policor ku ndër të tjera bëjnë të ditur se në veri të vendit ka patur të shtëna me armë zjarri, por për fat të mirë nuk ka të plagosur.
Po ashtu Policia e Kosovës ka siguruar informacione nga ana e qytetarëve se ka raste ku janë ndaluar dhe maltretuar qytetarët shqiptarë
Njoftimi i plotë i Policisë së Kosovës:
Policia e Kosovës ka siguruar informacione zyrtare se në disa lokacione janë dëgjuar të shtëna me armë zjarri, ku disa prej të shtënave kanë qenë në drejtim të njësiteve policore, por fatmirësisht nuk ka të plagosur.
Po ashtu janë siguruar informacione nga ana e qytetarëve se ka raste ku janë ndaluar dhe maltretuar qytetarë shqiptarë, duke iu shkaktuar lëndime dhe shkaktim të dëmeve materiale në automjetet e tyre nga ana e personave të dyshuar të cilët dyshohet se janë pjesë e organizimeve të bllokimit të rrugëve./InLajmi/
