Kryeministri Edi Rama, ka qenë ditën e sotme në Vlorë së bashku me zëvendëskryeministren Belinda Balluku, ku ka inspektuar kantierin e Portit të ri të Vlorës.
Rama theksoi se është e rëndësishme që Vlora të ketë një port turistik të standardeve më të mira të Mesdheut.
Ai shtoi se jo vetëm çmimi i energjisë ka ikur në stratosferë, por edhe ka rënë sasia për t’u blerë, duke thënë se do të jetë shumë e vështirë që të gjendet.
“ E rëndësishme është që Vlora të ketë një port turistik të standardeve më të mira të Mesdheut. Fillon një kantier me një rëndësi të jashtëzakonshme për shumë arsye, për një port që më në fund meriton këtë emër në shekullin 19 sepse qoftë ai që kemi trashëguar, qoftë ky i peshkatarëve janë parkime ujore mesjetare. Së 2-ti sepse këtu sistemohet gjithë flota e peshkimit në kushte krejt të tjera. Me programin e mbështetjes ne do vazhdojmë të financojmë riparime anijeve si dhe blerjen e anijeve të reja. Së 3-ti, kjo do të rrisë fluksin e tregtisë përmes detit dhe së katërti edhe për pasagjerët do të behët diçka me standarde. Njëkohësisht kemi një port turistik që do të jetë një nga perlat e Mesdheut dhe që do sjellë një zhvillim të madh ekonomik për Vlorën dhe gjithë industrinë e turizmit. “, tha Rama.
Franca kursen energji, jo më ndeshje futbolli natën
Kjo që ndodh në 2 javët e ardhshme me futjen e 110 megavatëve të tjerë përmes detit është vetëm një hap i kësaj situate emergjence botërore. Kemi ardhur në pikën kur jo vetëm çmimi i energjisë ka ikur në stratosferë, por edhe ka rënë sasia për t’u blerë. Jemi në kushtet kur do jetë shumë e vështirë që ta gjejmë, shkruan Ora News.
Më herët kryedemokrati, Sali Berisha e paralajmëroi Ramën se nëse rrit çmimin e energjisë për konsumatorin do të përballet me revoltë të fuqishme nga ana e Frontit Opozitar.
