Mëngjesi i së premtës doli të të ishte fatkeq për disa pasagjerëve të një veture me targa të huaja ku në një aksident me një autobus, humbin jetën 2 persona dhe lëndohen 2 fëmijë, përcjell InLajmi.
Ngjarja ka ndodhur rreth orës 04:40 dhe se të përfshira në aksident kanë qenë një autobus dhe një veturë, këtë e konfirmoi zëdhënsja e Policisë së Kosovës për rajonin e Prishtinës Flora Ahmeti.
Ahmeti ka bërë me dije se viktimat janë një 35-vjeçare me inicialet M.S dhe një 36-vjeçar me inicialet Sh.S, derisa të lënduar kanë mbetur 2 fëmijë.
“Rreth orës 04:40 kemi pranuar informatën se në rrugën Prishtinë – Podujevë, ka ndodhur një aksident trafiku me pasoja fatale. Në këtë aksident kanë qenë të përfshira, një veturë (me targa të huaja) e cila ka qenë në lëvizje dhe një autobus. Si pasojë e aksidentit lëndime të rënda trupore kanë pësuar 4-ër persona, 2 prej tyre nuk kanë arritë të përballojnë plagët dhe të njëjtit kanë ndërruar jetë”, ka thënë Ahmeti./InLajmi/
