Presidentja e Kosovës, Vjosa Osmani ka reaguar pasi Kuvendi i Kosovës të enjten ka ratifikuar marrëveshjen e Kosovës me MCC-në, ndërsa mirëpret mbështetjen njëzëri të deputetëve në Kuvend, përcjell InLajmi.
Osmani më tutje deklaroi se vendimi i sotëm në Kuvendin e Kosovës përveç konfirmimit të partneritetit strategjik me SHBA-të, paraqet angazhimin tonë institucional më serioz drejt trancizionit energjetik në Kosovë.
Ndryshe, Kuvendi i Kosovës sot ka ratifikuar marrëveshjen e Kosovës me MCC-në duke votuar 89 deputetë të Kuvendit.
Postimi i plotë i saj:
Mirëpres mbështetjen njëzëri në Kuvendin e Republikës së Kosovës, ku sot u ratifikua marrëveshja ndërmjet Republikës së Kosovës dhe Shteteve të Bashkuara të Amerikës, të përfaqësuara nga Korporata e Sfidave të Mijëvjeçarit (MCC), për Programin e Kompaktit. Përveç konfirmimit të partneritetit strategjik me SHBA-të, vendimi i sotëm i Kuvendit paraqet angazhimin tonë institucional më serioz drejt trancizionit energjetik në Kosovë. Na priftë e mbara! /InLajmi/
